Todo o que necesitas saber sobre a guía dixital da Costa da Morte.
A continuación respondemos ás cuestións máis comúns para que a túa experiencia nesta guía dixital sexa o máis completa posible.
Qué é "Costa da Morte, confín de Europa"
“Costa da Morte, confín de Europa” é unha guía completa escrita por Xan Fernández Carrera que explora en profundidade a xeografía, historia, lendarias e rutas turísticas da Costa da Morte, unha rexión do noroeste de Galicia. O libro, orixinalmente en formato físico, foi dixitalizado para facelo accesible a un público global e está dispoñible en galego, castelán e inglés.
¿Quén é Xan Fernández Carrera?
Xan Fernández Carrera é un mestre, investigador e escritor galego nado en 1951. Dedicou gran parte da súa vida á divulgación da cultura e o patrimonio da Costa da Morte, e publicou numerosas obras sobre a rexión, incluíndo guías turísticas, estudos históricos e materiais didácticos.
¿Por qué dixitalizou este libro?
O obxectivo da dixitalización é democratizar o acceso á información valiosa contida na obra. Ao poñer o libro á disposición de todos en internet, non só se facilita a súa consulta desde calquera lugar do mundo, senón que tamén se preserva e promove o patrimonio cultural e natural da Costa da Morte.
¿Qué podo encontrar nesta versión dixital?
A versión dixital do libro inclúe todos os capítulos do texto orixinal, organizados para unha navegación sinxela e accesible. Atoparás información sobre a xeografía, historia, lendas e rutas turísticas da Costa da Morte, acompañada de fotografías. Ademais, todo o contido está dispoñible en tres idiomas: galego, castelán e inglés.
¿É este proxecto só para turistas?
Non, o proxecto está pensado tanto para turistas que desexen coñecer a Costa da Morte como para os residentes locais que queiran descubrir máis sobre a súa terra. A obra ofrece información valiosa tanto para planificar visitas como para aprender sobre o rico patrimonio da rexión.
¿Onde podo obter unha copia física do mesmo?
O libro en formato físico distribúese nas bibliotecas municipais e oficinas de turismo dos municipios da Costa da Morte. Tamén está dispoñible no Parador Costa da Morte e no Balneario de Carballo.
¿Qué podo descubrir no libro?
O libro presenta unha ampla variedade de rutas turísticas, tanto para realizar en vehículo como a pé. Estas rutas percorren os 17 municipios da Costa da Morte, destacando os puntos de maior interese natural, paisaxístico, histórico e cultural. Entre as rutas de longa distancia atópanse o Camiño dos Faros e o Camiño Xacobeo de Fisterra e Muxía. Ademais, inclúense rutas de curto percorrido para aqueles que desexen coñecer de preto algúns dos recunchos máis emblemáticos da rexión.
