Punto de partida-chegada: Casa de Eduardo Pondal (Ponteceso)-Corme

Percorrido: Lineal

Distancia: 11,1 km

Duración aproximada: 5 h (ida e volta)

Dificultade: Baixa

Esta ruta bordea a banda dereita da desembocadura do río Anllóns, na enseada da Insua e a parte norte da ría de Corme e Laxe.

Iníciase na casa do poeta Eduardo Pondal, bordea a enseada da Insua e chega á praia de Balarés. Desde aquí, xa retirada da beiramar, pasa pola Pedra da Serpe de Gondomil e logo achégase de novo ao litoral na praia da Ermida e na praia do Osmo e chega ao porto de Corme, onde remata.