Punto de partida-chegada: igrexa de San Pedro de Berdoias (Vimianzo)

Percorrido: circular

Distancia: 9 km

Duración aproximada: 3 h

Dificultade: Baixa

Esta ruta destaca pola súa riqueza arqueolóxica, histórica e etnográfica. Iníciase na igrexa de San Pedro de Berdoais e desde alí collemos camiño cara ao monte para chegar ao petróglifo do Pedrouzo. Baixamos cara ao dolmen da Casota de Freán e volvemos á aldea de Berdoias, interesante polas súas construcións tradicionais (casas, eiras e cabazos). Logo atravesamos a estrada AC-552 cara a Boallo, e continuamos por un camiño que cruza o río do Castro e a carballeira de Chavín.

Dirixímonos cara ao Outeiro do Recosto para ver outro conxunto de petróglifos, e desde alí baixamos ao núcleo de Boallo, onde quedan os restos da casa fidalga dos Lema, que construíu o fillo de Alonso de Lema II, Martiño de Castiñeira, e outras construcións de interese. Desde este lugar regresamos ao punto de inicio.